 |
泰雅族傳說(四) Hongu Utux
Bnkis ta raral mha ni musa squ 'tuxan mga, siki krayas su squ hongu na utux ma. Awga ini nbahiy mhmut hminas gi cyux mnaga squ puqing hongu qu squliq ka 'pspung. Lha qasa ga nama smpung squ pinhkngyan Su babaw cinbwaman ma.
Nanu qu hongu na utux qasa ga , gwagiq iyal si kmwa tmtring babaw kayal ru betunux iyal memaw yan bhuniq msbhung. Zik nqu hongu uzi wayal qutux gong wal pkska krayas sa hongu utux, cyux Ki'an na bibing ru qulih ka gigway ggtenux ma.
Intzilan nqu hongu qasa ga, cyux ki'an na ngasal ka musa nama mita squ kinbleqan na squliq ru kinqihan. Squliq ka pspung qwasa ga yaqu blaq na squliq ka wal mhuqil, ginyagan squ kwara utux nqu minhuqil ma.
|
Kya qu mmusa sa 'tuxan ru si bqbaqiy sa mlikuy balay ru kneril balay mga , mutux nha si phnasiy krayas squ hongu na 'usa te 'tuxan. Kya qu sinywagun nha hiyaga , lmawn nha qmamas iluh sa tluling na qba ru tlaman nha qmwax, kya qu rzyun na iluh ru ini ps'agal ga squliq balay ma. Nanu yasa qu spgluw na sa hongu na utux ru posun nha squ 'tuxan. Psbnahaw ta quke', kya qu ini rzyuy lga nanu yasa qu mrawiy na squliq , qasa hiya ga pwahun nha syaw na tuqiy. Taqu syaw na tuqiy qasa mga gigway bbqziy ru qqrgup , kmturu nyauzi ungat spngan kinpzyux. Minxal su pwali kya 1ga, suqun su qmarit na bqziy ru qpangan su na qrgup sa lukus. Iyat yasa ga katun su na kmturu, mutux memaw paylhiq qu hi na squliq rngu nya kmat. Kruma na squliq masuq mtakuy squ kska tuqiy ini nbah tehuk sa 'tuxan.
|
|
Kya uzi qu ana ini swaliy pgluw squ hongu ga, si balay qihul mha“pglgiy sami hongu na utux uzi ”mha qu yaqih na squliq. Nanu yasa qu si nha qhliy hmawak ru tehuk squ kska na hongu lga sruruw nha Iru wal mhutaw squ zik na hongu. ktan lga cyux si nga maniq na bibing ru qulis Ima.
|
|
|
| |
Copyrigh©studwww.nou.edu.tw.All Rights Reserved esigned by Aboriginal
|
